>

Հրեական 35 սրամիտ ասացվածք, որոնք Ձեզ անկասկած դուր կգան և շատ բան կսովորեցնեն

ArmenianEnglishFrenchGermanItalianRussianSpanish

Հյուրը և ձուկը 3 օր անց սկսում են հոտ արձակել: Գիտելիքը շատ տեղ չի զբաղեցնում: Ավելի լավ է՝ հրեան առանց մորուքի, քան մորուքն առանց հրեայի:

Մարդը պետք է գոնե հետաքրքրության համար ապրի: Խուլը լսեց, թե համրն ինչպես էր պատմում, որ կույրը տեսավ, որ կաղն արագ-արագ վազում էր: Աստված չքավորներին պաշտպանում է, համենայն դեպս, թանկարժեք մեղքերից: Եթե բարեգործությունը ոչինչ չարժենար, բոլորը բարերար կլինեին:

Երբ պառաված օրիորդն ամուսնանում է, անմիջապես վերածվում է երիտասարդ կնոջ: Ծնողները երեխաներին սովորեցնում են խոսել, երեխաները ծնողներին սովորեցնում են լռել:
Հեռվից բոլոր մարդիկ վատը չեն: Գուցե ձվերը հավերից շատ ավելի խելացի են, բայց դրանք արագ փտում են: Տղամարդիկ ավելի շատ կանեին, եթե կանայք ավելի շատ լռեին: Լավ լռելն ավելի դժվար է, քան լավ խոսելը:

Վատ կինն անձրևից վատ է. անձրևը տուն է լցվում, իսկ վատ կինն այնտեղից դուրս է անում: Աշխարհը կվերանա ոչ որովհետև շատ մարդ կա, այլ որովհետև շատ անմարդկայիններ կան:


Աստված իմ, օգնիր ինձ ոտքի կանգնել, ես ինքս էլ կարող եմ ընկնել: Եթե կյանքը դեպի լավը չի փոխվում, սպասիր՝ այն դեպի վատը կփոխվի:

dim66.ru

Սերը որքան էլ քաղցր լինի, դրանից կոմպոտ չես պատրաստի: Երբ անելու ոչինչ չկա, մեծ գործեր են սկսում: Երկու չարիքներից ընտրելիս վատատեսը երկուսն է ընտրում:

Բոլորը գանգատվում են փողի բացակայությունից, իսկ խելքի բացակայությունից՝ ոչ ոք: Ով երեխա չունի, նրանց լավ է դաստիարակում: Ավելի լավ է ծիծաղից մեռնել, քան վախից:

Փորձը բառ է, որով մարդիկ անվանում են իրենց սխալները: Ալեհերությունը ծերության նշան է, ոչ թե իմաստության: Ծերանալով մարդն ավելի վատ է տեսնում, բայց ավելի շատ:


Աղբյուր

(Visited 25 times, 1 visits today)